ما هو الـIMSI Catcher وكيف يقوم بسرقة بياناتك؟
أول شي، شو هو الـIMSI؟
رقم فريد لكل شريحة موبايل بالعالم. متل الهوية تبع تلفونك.
والـIMSI Catcher (أو Stingray) هو جهاز بيتنكر انو برنامج تلفون عادي بس بالحقيقة عم يتجسس عليك .
كيف بيشتغل؟
الجهاز بيبعت signal أقوى من الأبراج الحقيقية حوليك ...
تلفونك أوتوماتيك بيوصل على أقوى signal
هيك بيصير تلفونك موصول عالبرج المزيف
وهون بتبلش الكارثة …
لما تلفونك بيوصل عالبرج المزيف:
بيسرق الـIMSI code تبع رقمك
بيعرف وين انت بالضبط
بيسمع مكالماتك
بيقرا رسائلك
بيشوف كل البيانات يلي عم تبعتها
وانت مش داري.
المشكلة الأكبر بشبكات 2G و 3G:
الـIMSI بينبعت بدون تشفير (plain text)
أي حدا عندو IMSI Catcher بيقدر يلتقطك بكل سهولة ...
طيب، ممكن ال 4G/ 5G بيحمينا؟
الجواب: أي و لا
5G بيشفر الـIMSI بيطلب authentication قوي صعب تزييف البرج.
بس في مشكلتين صغار …
الاولى انو شبكة ال 5G بدها تكون كلها محدثة.
والثانية قصة ال fallback بمعظم التلفونات.
المشكلة انو الـIMSI Catcher بيقدر يجبر تلفونك يرجع لـ2G أو 3G!
هيدا اسمو "downgrade attack" وهون بترجع كل الحماية للصفر .
يعني حتى لو عندك 5G، ممكن يخدعوك ترجع لشبكة قديمة وضعيفة.
مين بيستعمل هالأجهزة؟
الأجهزة الأمنية والمخابرات (مثبت على معظم الدرونات الاسرائيلية) .
Hackers محترفين
شركات تجسس خاصة.
والمشكلة انو هالأجهزة صارت متوفرة أكتر من قبل.
وممكن شراءها..
كيف بتحمي حالك؟
استعمل تطبيقات مشفرة (Signal)
اقفل 2G بإعدادات تلفونك
خلي تلفونك محدّث دايماً
استعمل VPN موثوق فيه.
انتبه بالأماكن الحساسة (اجتماعات مهمة).
نصيحة مهمة لو لاحظت انو:
📶 الـsignal فجأة صار قوي كتير
البطارية عم تخلص بسرعة غريبة
التلفون عم يسخن بدون سبب
ممكن يكون في IMSI Catcher بالمنطقة!
الخلاصة:
تلفونك مش آمن قد ما بتفكر في أجهزة بتقدر تتجسس عليك وانت ما عم تحس.
ال 5G أحسن بس مش الحل الكامل.
الوعي والاحتياطات الإضافية ضروريين.
